موضوع مميز // { .. It's AlL aBoUT EyeS

بنحكي اليوم ان شاء الله عن الـ eye make up

Eye shadow – eye pencil – eye liner – mascaraانواعها – استخداماتها – best brands – how to do more with less

و لا يخلو الموضوع من شوي نصائح و اكتشافات ان شاء الله تحبونها

الموضوع طويل و فيه كميه الوان و معلومات كثيره

عشان كذا كل وحده تجيب لها شي تشربه و نبدا الموضوع سـوا بالعافيه عليكم

Eye make up

color wheel

قبل ما احكي عن الـ techniques و الـ productsخلونا نحكي شوي عن الالوان ..

معليش بنات ادري حكيي كثير ..بس احب فعلا لما احط make up اكون فاهمه وش اسوي و ليه اسويه مو مجرد استخدمه و بس

شايفين هذي

هذي دائره الالوان .. جبت سيرتها بالموضوع اللي فات لكن هالمره بنحتاجها اكثر و تحتاج شرح مفصل شوي البنات اللي يدرسون فنيه ما عندهم مشكله فاهمينها انقزوا للسالفه اللي بعدها

الباقين يفتحون عيونهم و يناظرون الشرح

الالوان الاساسيه مثل ما تعرفون احمر و ازرق و اصفر و هي اللي موجوده عندكم باسم primaryا

لالوان الفرعيه هي البنفسجي و الاورنج و الاخضر و موجوده عندكم باسم secondaryتبقى الدرجه المتفرعه من اللون و هي اللي عندكم باسم tertiary >> مثلا الاخضر منه اخضر على اصفر و اخضر على ازرق .. بينما الاخضر الـ secondary يكون حاصل خلط الازرق و الاصفر بنفس الكميه ..
عندكم بالشكل اللي جوا الدائره حاط لكم كل لونين اساسيين وش اللون الفرعي اللي يكونونه

ازرق + احمر = بنفسجي

ازرق + اصفر = اخضر

احمر + اصفر = اورنج

و بالدائره اللي برا .. بتشوفون كل لون ايش اللون المكمل له .. اللون المكمل هو اللون الي اذا استخدمته مع لون اساسي راح يعطيني اللونين بافضل حالاتهم و اقواها

و هم دائما يكونون افضل الوان للاستخدام مع بعض >> من هنا يجي التناسق اللوني

اللون المكمل هو اللون الفرعي الي ما يدخل في تركيبه نفس اللون الاساسي >> عربي تكفين يعني مثلا .. اللون المكمل للاحمر هو الاخضر .. لان الاخضر ما استعملنا احمر عشان نحصل عليه اللون المكمل للازرق .. هو الاورنج و المكمل للاصفر .. راح يكون البنفسجي الكل مستوعب؟ > تكفون قولوا ايه

بالدائره هذي أي لون تبين تشوفين ايش الالوان اللي تمشي معه .. شوفي الالوان المقابله لهراح تلقين ال3 درجات المقابله تمشي بقوه .... و اللي جنبهم تمشي بعد .. كل ما قربتي راح يقل التناسق

مثال : ما اعتقد انك ممكن تحطين روج احمر و شدو اورنج .. لاحظي كيف قريبين من بعض على الدائره اللونيه .. ما يعني انهم متناسقين سوا

لكن جربي البسي اخضر مثلا و حطي روج احمر .. كيف بتطلعين بالله .. اكيد شي وااو

لكن هذي النظريه ذات حدين على فكره يعني انتبهي للتفاصيل في اختيار الالوان ..

بيبين أنك مريضه و بيبين كان احد عطاك بوكس على عيونك لما قلبت موف لانه بيكون قوي مع الاصفر

لكن بشرتك حلوه و لابسه شي اصفر .. حطي شدو او كحل موف و بتطلعين تماام

اذكر مره شفت وحده كانت حاطه شدو اخضر .. يس كانت محمره عيونها .. كنتي اول ما تطلين بعيونها تنتبهين انها حمرا على طوول لان الشدو الاخضر عطى قوه للون الاحمر

.. فهمتوا علي >> تراها متأزمه من الشرح تحس شرحها مخيس

يعني اذا واحد من الالوان تبين تخبينه لا تحطين جنبه المكمل حقه لانه يقويه ..

لكن حطيه فوقه .. مثل الكونسيلر اللي حكينا اخر مره عنه

لان ناتج دمج اللون المكمل مع اللون الاساسي دائما = بني

اخضر + احمر = بني

ازرق + اورنج = بني

اصفر + موف = بني

ازرق + اصفر + احمر = بني

اللي هو لون البشره لكنه بدرجه فاتحه .. عشان كذا اقول غطوا الجروح بكونسيلر اخضر .. لكن لو تحطونه جنبها بيشوفونها من اقصى المجلس

اتمنى فهمتوا مع ان شرحي زي وجهي ..

خلوا دائره الالوان عندكم يمكن تحتاجونها بعدين .. اتمنى هالنبذه تساعدكم باختيار الوان الـ make up بدرجاتها

. بالمرفقات حطيت دائره الوان موسعه فيها كل الدرجات تقريبا اللي حابه تستعملها حلالها

خلصنا بربره مالها سنع نجي للمفيد

Eye shadow

اول خطوه في make up العين راح يكون الـ concealer و حكينا عنه بالتفصيل المره اللي فاتت بعده راح نبدا بالـ shadow

اختيارك للـ shadow هو اكثر شي بالـ make up ممكن تحدده شخصيتك و تتحكم فيه ممكن الكثير يستغنون عنه اساسا و لا يستعملونه لانهم ما يحبون الوان انا كنت من هالفئه لاني من انصار النعومه ، بعدين دريت اني في وادي و النعومه براس الجبل

و اني اذا ما حطيت shadow مو معناها اني بنت ياي و مره كيوت

معناها اني ما اعرف احطه صح

ممكن اني بشطارتك تستخدمين أي لون حتى لو كان قوي

و بلمساتك يصير قمه النعومه و الذوق هذا غير انه في الوان اساسيه بالـ shadow ما نقدر نستغني عنها ابدا ابدا نهي نهي

لكن انتي شوفي انتي من أي فئه .. ما تحبينه و لا تستعملينه اجل اشتري الالوان الاساسيه فقط >> بنحكي عنها الحين اذا عندك استعداد تبدعين فيه توسعي بالخيارات و جربي ان شاء الله راح تحبينه

Must – haves

الي ما تلقى عندها هالألوان يا تروح تشتريها و لا بزاعلها

>> لا تطيحين من الحماس تمسكي تكفين

ما هو ذهبي و لا برونز و لا مشمشي درجه بيج مثل لون بشرتك .. و يفضل بدون لمعه بعد اقصد الدرجه اللي اذا حطيتيها و شافك احد ما يقول انك حاطه shadow اصلالا تنقزون و تقولون ليه نشتريها اجل و نفسفس قروش و ازمه عالميه اقتصاديه و مدري ايش

اقولكم ليه لازم يا صاحبات البشره المخمليه نادر جدا تلقين وحده لون جفونها مثل لون بشرتها بالضبطدائما الجفن يكون اغمق

غير كذا لما تحطين shadow على جفنك بعدين ترسمين فوقه الكحل او الـ eyelinerالـ shadow يساعدك انهم ما يسيحون و تختبص الدنيابينما لو تحطون كحل بدونه .. راح يبين جفنكم اغمق

طبعا ما يحتاج shadow كل يوم و في الدوام .. لكن أي طلعه بسيطه بليز حطي هاللون ما راح يبين بس بيضبط لك الـ make up

جربوه

Brown :

اللوك الدارج الحين لوك الستينات

راح يكون الـ shadow البني اساسي فيه مع البيج اللي قلنا عنه على كامل الجفن راح نستخدم شوي بني على عظمه الحاجب مع eyeliner عريض و رموش كثيفه و خلاص صرتي قمه الجمال و الذوق

و هو لون اساسي نحتاجه باغلب اللوكات الناعمه



Black :

اركدوا يا مؤيدات اللوك الناعم ما راح نحط سموكي و لا راح نحط ميك اب طاووس و لا شي

جت فتره قبل كم سنه كان اللوك السموكي هو اللوك الدارج و ما بقى بنت ما سوته هالفتره انتهت طبعا و صاروا الناس يميلون لللبساطه و النعومه

بس مو معناها نستغني عن الـ shadow الاسود ممكن تستخدمينه بطريقه ناعمه جدا و بزوايا محدده

و ممكن تستخدمينه كحل ( و هو الاهم و الاستخدام الاساسي بالنسبه لي )

اذا بتشترين shadow اسود لا تتعدين carbon من MACو لما نحكي عن الكحل اعلمكم وش تسوون فيه ان شاء الله

هذي اهم الالوان الي المفروض تكون عند كل بنت حتى لو ما تعرف للـ shadow

غير كذا يرجع لذوقك انتي .. ما يمنع انك تروحين و تجربين درجات جديده درجات البرونز و البينك تطلع روعه دائما و تعتبر شبه اساسيه

احب الاخضر على العين .. في ناس تحب درجات الموف و الازرق انتي و ذوقك .. قبل ما نبدع فيهم تعالي اعلمك من وين تاخذينهم




Best brands:

بغض النظر عن الاسود اللي قلنا بناخذه من mac

Make up for ever هي ابطل ماركه للـ shadow بلا منازع

نفس اللون اللي تشوفينه بالعلبه بيطلع على عيونك

ما تتفتت و لا تهل و لا تبهت ..

الاختيار الاول للكوافيرات السنعات و اذا انتي تحبين الالوان و الابداع خذي من عندهم الـ shadow pallete

فيها 12 لون توفرين و تستانسين

يجي بعدها mac و brown mac ولكن الوانه اكثر و احلى و ارخص

Bobbi حلو للدرجات الترابيه و المطفيه لكن بصراحه ما انصح تشترونه غالي و غيره يؤدي نفس المهمه

طبعا ماله داعي تحرمين نفسك لو ما عندك ميزانيه

الـ shadow من اكثر ادوات الـ make up اللي ممكن تاخذينها من أي مكان عندك محمود سعيد خذي الباليت حقه فيه كل الالوان و جربي و ابدعي >> انصح فيه حتى لو عندك ميزانيه مو معقول بتشترين كل الالوان و هذا حلو للخلط و التجربه و يفك ازمات

عندك bourjios ممكن تاخذين منهم ..

لكن بليز body shop لا تاخذين من عندهم .. يتفتت و كانه تراب مو حلو Chanel غاليه على قل سنع Dior ما انصح فيها بعد

و كل وحده و تجربتها لا تحرمنا خبراتها

Applying eye shadow

للـ shadow عده طرق و كل وحده باللي ترتاح له يا ليت كل وحده تدخل تقول لنا وش طريقتها بالـ shadow و نتعلم من بعض

و انا بقولكم على الطريقه اللي استعملها و يستعملها اغلب الناس و على طريقه جديده اعتبرها من اسراري

Sadow brushes:

راح نحتاج فرشتين


هذي الاولى





رقمها 239 من macلكن مو ضروري تاخذونها من mac تلقون بالبودي شوب مثلها صغيره و كبيره
بس اذا عندك ميزانيه خذي حقت mac تقعد لك و من جد رهيييبه

و هي نفسها فرشاه الـ concealer بس تكون اصغر شويبس طبعا يكون عندك 2 او اكثر ما ينفع تستعملين نفس الفرشاه لهم كلهم لان الـ concealer اول لان قوامه كريمي و الـ shadow بودره راح يتكتل معك

p.s : لازم نراعي ترتيب الالوان اللي نحطها .. نبدا اولا بالالوان الـ matte ( المطفيه) قبل اللي فيها لمعه >> بالذات اذا حطيتي لون فوق لون اذا بديتي بلمعه راح يطلع بالاخير كل الجفن لامع لانها تعلق بالفرشاه او تاخذ من لمعه اللون اللي تحتها
نحاول نبدا بالفاتح قبل الغامق و نبدا بكميات قليله و اذا احتجنا نزيد

بعد كذا نجي للفرشاه الثانيه


هذي فرشاه لدمج الـ shadowعاد هذي لازم من mac هذا اذا لقيتوها بمكان ثاني رقمها 222 او 224 >> وحده اصغر من وحده بس كلهم نفس المفعول اشتروا وحده لا تصيرون مثلي مشافيح

بكل بساطه اذا عندك منطقه حابه تخففين فيها اللون تستعملين هالفرشاه و تستعملينها بعد بالمنطقه اللي بين كل لون

تعالوا بعلمكم الطريقه السريه الثانيه حقتي

علمت هالطريقه لاختي و قالت لا عادت على هالبربسه حقتس
ما ضبطت معها لان السالفه يبيلها تدريب .. سمعتوا موب تجون تقولون الله يحوم تسبد العدو
ما راح تضبط اول مره الا ان كنتي اصلا رسامه او متعوده على التلوين

راح نستعمل نفس الفرش حقتنا .. و بنفس الطريقه بس الفرق اننا قبل ما نحط عليها اللون ، بنبللها بمويه يكون عندنا منديل نمسحها ثانيه بس عشان ما تصير تقطربعدين ناخذ الـ shadow و نبلله بالفرشاه بالضبط كاننا نستعمل الوان مائيه بعدين نرسم على العين هالطرؤيقه يبيلها تكونين سريعه .. و تعرفين كميه المويه المناسبه و مثل ما قلنا تدريب

احب استعمل هالطريقه بالسهرات .. لانها تخلي الـ shadow مثل ما يقولون vibrantو حتى لو احد يستخدم نفس الـ shadow اللي استخدمتيه مستحيل بيطلع بنفس النتيجه

المويه تخليه خفيف اخف بكثير من العادي بس بنفس الوقت حيوي و فيه لمعه مميزه
فيه انواع shadow مخصصه لاستعمالها مع المويه بس انا استعملها مع العادي و ماشيه تمام

الناس اذواق بس انا احس ان الطريقه تستحق التجربه
اللي تجربها لا تنسى تعلمني وش صار معهاا
بس جربوها بشدو مخيس اول لا تخربون حقاتكم و انتم ما تدرون تضبط و لا لا >> نبهتكم من الحين

قبل ما نروح للكحل خلوني اقولكم على product و على استخداماته السريه >> مسويه تشويق و لا ان جا الصدق ما عندها ما عند جدتي


Pigments

Pigments


كثيرين يعرفونها منكم .. متخصص فيها mac و make up for ever
طبعا mac افضل بكثير و كميته اكثر بعد

هذي عباره عن powder يكون فيها اللون قوي جدا
روح اللون مثل ما يسمونهااستعمالها الاساسي كـ shadowلكن المطرسه تطلع نتايج فعاله و لما مطرست فيها اكتشفت انها تنفع لاشياء كثييير و هذا من ضمن فقرتنا اليوم how to do more with less >> لا تعيشين الدور بزياده تكفين

شوفوا وش تقدرون تسوون فيها

Shadow
ممكن تحطين شوي كونسيلر كريمي على جفونك .. بعدين بفرشاه تحطين الـ pigment و توزعينه مثل الـ shadowو بهالطريقه تقدرين تستخدمينه كإضاءه تحت الحاجب حلوووه و ممكن بدون concealer لكن تبللين الفرشاه بمويه عشان تمسك معك الـ powder .. بهالحاله بيعطيك لون اقوى و اثبت .. و بعد ممكن تستخدمينها اضاءه تحت الحاجب

Blending

اذا حابه تستعملين لون معين مو موجود عندك .. الـ pigment ممكن تخلطينه لحد ما توصلين للون الي تبينه >> بمويه طبعا تخلطينه بس طبعا تكونين فاهمه سالفه دائره الالوان اللي قلنا عنها

Foundation

ممكن تحطين شوي من الـ pigment مع الـ foundation او الـ base و تخلطينه قبل ما تحطينه على خشتك القميله
بيعطيك اضاءه و لون حلو .. بس لا تكثرين

Eye liner

بفرشاه eyeliner نحيفه .. او بفرشاه الكحل المايله .. تحلينها بمويه و تستخدمين الـ pigment كانه كحل ملون

Lip stick

استخدمي مرطب على شفايفك .. lip primer من أي ماركه بيمشي معك .. اذا ما لقيتي حطي شوي concealer .. بعدها حطي الـ pigment على شفايفك بالفرشاه .. بعدها gloss و صار عندك روج جديد

Blusher

اذا عندك cream color base من mac تقدرين تستعملينه و تضيفين له شوي من الـ pigment بيعطيك لمعه حلوه للـ blusherبس في كل هالاستخدامات لا تكثرون لان مثل ما قلنا اللون مركز جدا


للامانه الـ pigment غالي شوي .. و ماله داعي تروحين تشترين الوانه لمجرد استعمال الـ shadow .. عشان كذا احرصي انك تاخذين لون يفيدك بهالاستخدامات كلها ارشح لك vanilla >> لؤلؤي حلو لإضاءه الوجه و تحت الحاجب
او rose >> بينك ممكن تستعملينه lip stick و blusher

الباقين ما راح تستفيدين منهم كثير .. خذي لك shadow عادي افضل


نروح للكحل الحين >> بدري




اعتقد اول شي تشتريه الوحده من ادوات الـ make up روج و كحل اذكر اول ما بديت احط make up كنت استحي >> الله يرحم

كنت اول شي احط الكحل ربع عيني ما اكمل الخط .. بعدين النص .. بعدين عاد كملتها بعدين انهبلت يقال ما ابي الحريم يلاحظون اني حطيت و يفضحونني و ينتشر خبري بين المجالس
او عاد اني اخاف اني اذا حطيته مره وحده ينصدمون و يخقون علي و يخطبوني لعيالهم و كنت احس اني صغيره و لا ابي العرس >> اللي يسمعك يقول جابوا خبرك هم و لا عيالهم
المهم اني مدري وش الحكمه من الحركه البايخه بس مثل ما يقولون ماضي اسود

كنت احط كحل hr عطتني اياه امي ما تبي حقها .. و كنت احسه احسن شي بالعالم
بس كبرنا ، و جربنا ، و تعرفطنا ، و صرنا اكثر حكمه >> الله من الهياط

و بعد درينا ان الكحل انواع موب نوع واحد .. و كل نوع و استخداماته


Eye pincel:


اكثر نوع منتشر .. ضروري يكون عند كل بنت مشكلته الأزليه انه يسيح
ليه يسيح .. لان الشمع من مكوناته الاساسيه و معروف أي شي فيه شمع = يذوب مع الحراره
يعني لا تحاولين .. واتر بروف او عادي كله بيوصل نص خدك مع الوقت
بالذات اذا انتي طبيعه جسمك دافي اصلا

ضيعت وقت و فلوس على كل الماركات .. ابي نوع ما يسيح .. بس توني الله يسعد قلبه قالي روحي فسفسي قروشك على كل الانواع .. ترا اخرته بيذوب معتس
>> توني تراه ميك اب ارتيست من mac يسوي دورات وش ملحها لا يفوتكم

طيب وش الحل؟ يعني ما نشتريه؟
الا طبعا نشتري ابو جده .. بس نعرف متى نستخدمه .. و معاها كم حركه تساعدكم انه ما يذوب و يتماسك اطول وقت ممكن

هذا النوع من الكحل استخدميه جوا العين فقط ..قدر الامكان خففي من الذوبان و الاثار الجانبيه ..

خلي عندك باغراضك دايما ولاعه .. قبل ما تستخدمين الكحل ولعيها و حطيها على راس الكحل ثانيه بس .. بعدها استعمليه على عينك .. بيعطيك لون اقوى .. و بيمسك معك ما يذوب مده اطول
و طريقه ثانيه تخفف الذوبان .. بعد ما تحطين الكحل جوا عينك امشي فوقه شوي بكحل الـ powder .. بيمسك معك مده طوييييله
جربوها


نجي للألوان طبعا الاسود لا غني عنه ..

احلى لون اسود بتلقونه عند : Givenchy – bourjios >> سواااا من قلب بس يذوبون
Make up for ever >> سواد اقل لكنه اكثر نوع متماسك .. هو اللي اعتمده


غير الاسود بنحتاج كم لون بالذات اذا رسمنا eyeliner من فوق و تحت ما نحط الا كحل ملون >> اعشق هاللوك
كل وحده تشوف وش الالوان اللي تحتاجها و تاخذها من أي ماركه تحبها

بقولكم اللي عندي Minted >> من mac لونه اخضر كل من شافه سألني عنه aqua eyes رقم 121 >> تركواز من make up for ever درجته خيااالbourjios no 6 >> موف حلوه درجته و قبل كم يوم اكتشفت نوع جديد من عند البودي شوب يجي لون فاتح من طرف و غامق من الطرف الثاني .. حلو جربوه و سعره احلى


Carbon eye shadow:

اللي هو الـ shadow الاسود اللي قلنا عنه بناخذه من macهذا ابطل كحل بالعالم .. و اهم product من ضمن لسته how to do more with lessهذا ما اقدر اعيش بدونه .. اهم شي من كل ادواتي بلا منازع
لو بروح اعيش في بر اخذته
احبه احبه احبه >> دروا انك خاقه خلاص


بس لازم لما تشترونه تاخون معه هالفرشاه
من mac رقمها 266 >> اهم فرشاه بالحيااااه


هالفرشاه موجوده بمحلات كثير .. لا تاخذونها من غير macمقاسها مناسب و شعراتها مو ناعمه مره تمسك الكحل مضبوط الباقيات ممكن تصلح للحواجب .. كحل لا

شايفين هالصوره هذا كحل carbon .. و لا هو مبين ابدا انه بودره

بدون مويه بدون أي شي .. خذي الفرشاه و حطيها بالكحل و اسحبيها عشان يصير الخط واضح .. و استعمليهامع شوي تدريب ما راح تستغنين عنها ابدا

و اذا مالك خلق هذاك اليوم تحطين make up خذي الفرشاه و حطي كميه قليله جدا و كحلي رموشك السفليه >> مثل الصوره بيطلع كان عيونك مكحله خلقه و لا تصير فيك شهابه و بنفس الوقت مو كانك حاطه شي ثقيل >> هذي طريقتي بالدوام

شفتوا وش يسوي

تبونه shadow تبونه eye liner تبونه للحواجب حتى عادي كله يمشي

نصيحه اشتروه ..بتحبونه اكيد

أي shadow تقدرون تستخدمونه بنفس الطريقه .. و بنفس الفرشاه و منها توفرون قيمه الـ eye liner الملون

راح الكثير و ما بقى الا القليل


Eye liner

قبل كم سنه كان الـ eye liner نوع من انواع القرونه وععع شوفوها حاطه eyeliner طالع خط

الحين صار شي واااو و نقول يا زين الـ make up حقها

>> ودي احيانا يخترعون موضه وحده ما تتغير طول العمر ماله داعي نشوف صورنا و نكره انفسنا

نرجع للوك الستينات اللي مكتسح الساحه

اهم عنصر فيه الـ eye linerخلونا نشوف انواعه

Liquid liner :

اللي كل الناس يعرفونه .. مشكلته صعب استعماله و لا يمكن تضبطينه الا بالتدريب ثم التدريب ثم التدريب

عشان كذا اشتري لك أي نوع رخيص و اقعدي عند مرايتك .. و جربي و امسحي لحد ما تضبط معك

متوفر بكل الماركات ، لكن ما فيه احد ينافس lancome باللون الاسودهذي صورته

خذوا هذا النوع بس اللي غطاه ذهبي لان فرشته نحيفه و تساعد على الرسم ، و بعدين حلو للي تبي تغمق حبه خال او شي

اذا تحبون هالنوع من الـ eye liner و تبون منه الوان MAC عنده كولكشن روعه و اذا تبون توفرون ما يهون Bourjios ، الوانه حلوه و سعره ارخص >> و حلو للتدريب كثير ناس يمطون عيونهم و هم يرسمون الـ eye liner .. هالطريقه خطأ و تخرب لك الرسمه احلى شي انك تمسكين عود قطن .. و تحطينه على جفنك و تسحبينه على فوق و للجنب سحبه خفييفه بس تساعدك .. ان شاء الله تضبطين الرسمه كذا


Fluidliner:

كحل كريمي ..استعماله يشبه استعمال كحل كربون ، علبه منفصله فيها الكحل و فرشاه خاصه فيه هذا النوع احبه انا صراحه ..

اولا مو سايل مره يعتبر اجمد الانواع و يتماسك معك بالرسمه ما يقعد يركض في كل مكان ثانيا بالنسبه لي اسهل من من القلم و من فرشاه الاي لاينر العاديه

و كثير جربوه و قالوا انه افضل نوع ، منه الاسود و الملون ..

Best Brands

Bobbi brown

اسمه long wear gel eye liner

Best shades:

الاسود >> black ink

موف >> black mauve shimmer

اخضر >> ivy shimmer

ازرق >> sapphire

اذا اخذتوه من bobbi brown اطلبوا منهم الفرشاه حقته اسمها ultrafine eye liner brush

MAC : اسمه fluidline

Best shades:

الاسود الغامق >> black track

اسود بلمعه ذهبي :>> blitz & glitz

اخضر >> shade

موف >> macroviolet

اذا اخذتوه من mac خذوا معه الفرشاه حقته رقمها 210 او 209في ناس يستعملونه بنفس فرشاه الكحل 266 >> و انا منهم بس هذول بيضبطون لك اياه اكثر لانهم انحف و ادق ..

بس انتبهوا ان هذا النوع من اللاينر ينشف بسرعه ، لذلك خذي منه كميه بالفرشاه و حطيها على يدك و سكري العلبه زينو ارسمي من الكميه الي على يدك لا تتركين العلبه مفتوحه كثير عشان تقعد لك و لا تنشف

Easy application liner :

من اسمه ايزي

تقريبا مثل الاي لاينر العادي لكنه اسهل في الاستخدام لانه جاي نوعا ما مثل القلم و لا يحتاج كل شوي تزيدين على الفرشاه

Best Brands

bourjios - mac

ما قد سمعت انه فيه منه الوان لكن احتمال طلع .. اللي تلقى تقولي

فيديو لاستعمال الـ eye liner >> استعملت هنا الـ fluid liner

بقى اخر شي قسم بالله

Mascara

If you have time for one product , always choose mascara

>> موب انا اللي اقوله ناس عندهم سالفه هم اللي يقولونه

الـ mascara المفروض يكون عندك منها نوعين لليومي و للسهرات

طبعا ما يحتاج ابربر عنها و طرق استخدامها لانها واضحه >> وش جاك نزل الصمت على اخر الموضوع

بس بنحكي عن الـ best brands

لليومي ارشح لك ثنتين .. لا تتعدينهم

Body shop

Bourjios

للسهرات بحط لكم الـ top 3

Ysl

اسمها ever long

فرشتها تفرق الرموش و ما تخليها تتجمع .. تطول رموشك لدرجه خياليه

لما احطها كاني مركبه رموش

ناهم شي طالعوا الفرشاه حقتها انتبهوا انها نفس اللي تشترونها

Lancome

معروفه طبعا hypnose و غنيه عن التعريف .. مكثفه و ابداااع

Chanel

حلوه صح .. لكن مو بمستوى lancome و ysl عشان كذا خلوا فلوسكم في الافضل ..

اسفه جدا جدا جدا على الاطاله

بس ما حبيت اقسم الموضوع جزئين اتمنى انه حاز على شي بسيط من اعجابكم

و ان شفتوا تقصير من هنا و لا من هنا استروا ما واجهتوا