العنايه الشامله~ موضوع مميز~

بسم الله الرحمن الرحيم

لآزم نهتم شويه بأنفسنآ علشان نصير توب قبل المنآسبات ^_~نجي لآول شي وآهم شي نسويه

قل النوم....

لو بتشوفين وجهك بالمرآيه بتقولين مين هالانسانه ؟الوجه اصفر ذبلآن والشفايف تعبانه وتحت العيون سوآد حالك ( اسود ياسواد الليل) طبعا راح اتكلم عن هالمشاكل بالتفصيل الممل

فوائد النوم :-

النوم يساعد على صيانة الجسم .يتعرض جسمك خلال اليوم لأضرار نتجت من الإجهاد والملوثات والإصابات والتعرض للشمس ، فيحتاج جسمك للصيانة ويتم ذلك أثناء النوم ، لأنه خلال النوم ينتج الجسم جزيئات من البروتين تساعد على إصلاح الجسم .- يساعد النوم على المحافظة على القلب سليماً .أن القلب والأوعية الدموية تكون تحت ضغط مستمر وهذا يجهد القلب ويضر به ولكن عندما ينام الإنسان يقل الضغط وتقل مستويات الكولسترول التي يؤدي ارتفاعها إلى الإصابة بأمراض القلب .- النوم يقلل الإجهاد .إن جسم الإنسان يتعرض خلال يومه لإجهاد كبير بسبب العمل والحركة وهذا يؤدي إلى تدهور السن ويضر بالخلايا فالنوم يساعد على خفض ضغط الدم وتقليل مستويات هرمون الإجهاد وهذا بدوره يساعد على الإسترخاء .- النوم يحسن الذاكرة .عندما تجهد جسمك وتحرم نفسك من النوم فإن ذلك يؤدي إلى صعوبة التركيز في أمور مختلفة مثل الدراسة وحل مشكلة ما أو حتى التحدث بشكل جيد مع الناس ، أما عندما تنام فإنه أثناء نومك يستطيع جسمك أن يقضي على أي صعوبات واجهتها خلال يومك لأن العقل يعمل بشكل أفضل أثناء النوم ويربط الذكريات المتناسبة ببعض ويقوم بتخزينها .- يمكن أن يساعد النوم على خفض وزن الجسم .إن النوم يساعد على تنظيم الهرمونات التي تؤثر وتسيطر على شهيتك ، وقد أثبتت الدراسات أنه عندما يحرم الإنسان نفسه من النوم فإنه يحاول في هذا الوقت الإضافي أن يتناول مزيد من الطعام ولكنه زائد عن حاجة الجسم لأنه سوف يتناول مأكولات بها سعرات حرارية عالية أو دهون أوكربوهيدرات .

][ Fruit and vegetables ][

^_^طبعآ الوجه هو المرأه الاساسيه للمراءه لذلك لازم نخلي الوجه فيه نضاره و حيويه لازم نعوض النقص الي بالفيتامينات وخصوصآ الفواكه والخضروات والعصايرونحاول نبتعد <~ انا اقول نبتعد مو نترك لآتهاوشوني المنبهات والكوفي ....آلخ ونستبدلها بالعصاير

انا اقترح كل يوم بعد العصر تفتحين الثلآجه وتحطين لك كولكشن فواكه من الي بيحبون البك رآح نعطيكم نبذه عن اهميه الفوآكه <~ حسيت نفسي امي اذا جت تقولنا ناكل فاكهه نجي نتكلم عن كل نوع وعن بعض الفوآئد الي فيها :

البرتقال :-
تناول برتقالة بعد الطعام يساعد على الهضم.- غناه بفيتامين C يساعد على تثبيت الكالسيوم في الطعام.- منشط للدورة الدموية ويقوي الكبد.

الخوخ:-
مقو للاعصاب والامعاء.- مفيد للشعر والجلد.-يحافظ على قلوية الدم ويسهل الهضم.

المشمش:-
يفيد في تعديل الحموضة الضارة الباقية في الجسم من بعض الاغذية.- من اقوى العوامل النباتية في تقوية العظام والانسجة لأنه يزيد من نشاطها ونموها.-مفيد في حالة فقر الدم وينشط وظائف الكبد والاعصاب ويقوي الشعر.ا

العنب :-
منشط للعضلات والاعصاب ومجدد للخلايا وطارد للسموم.-غذاء سريع الهضم.-للمصابين بالنحافة يفيد في زيادة الوزن.

التفاح:-
التفاحة تساعد على الهضم بكثرة اللعاب الذي تزيد إفرازه.- تساعد على تقليل نسبة الكوليسترول والدهون في الدم.- مصدر جيد للبوتاسيوم الذي يساعد على التقليل من مخاطر الإصابة بارتفاع ضغط الدم.

المانجو:-
تساعد على النمو.- تحافظ على اللثة.- شراب المانجا ملين للقناة الهضمية.


][ جسمي مليآن صار له زمان واصبح الان عود خيزاران ][

مثل ماقلنا انو الاجازة راح تكثر فيها المناسبات لدرجة يكون عندك باليوم زوآج وعزيمه وحفله والدولآيب مليانه فساتين وملآبس حلوة بس بيغى لها جسم حلو ورآيق

بعض الناس قبل الاجازة يخرب جسمها ويصير " السحّاب" مايتسكر بالساهل وتتعب النفسيه فعلشان كذا لازم نسوي برنامج نمشي عليه بحيث يكون هالبرنامج مافيها حرمان الجسم من العناصر الاساسيه وافضل برنامج بالنسبه لي /ماحب احرم نفسي شي اكل كل شي لكن قليل و آحرق الكالوريز الي اكتسبته بالمشي والركض او المشي ع جهاز السير اذا كان الجو مثل اللحين برضوا مآوصيكم بالزبآدي ( الروب ) عجب عُجاب للي حابه تنحفو ركزي ع شرب المويا لانو شي اساسي للي بتنزل الكيلوات الي شايلتها معاها ^_^حبيباتي انا بعض الاحيان تجيني حالات احب يكون شي موديلز يعني احب اكون جسمي مثالي ومتناسق مع طولي
وخصوصا لما اشوف البنات بالجامعه اجسامهم رايقه ولما اروح شوبنق واطلع للفساتين " اطرطع " فعلشان كذا اتحمس زيادةوماحس بنفسي الا صدق نازله كم كيلو وصديقاتي يقولون انو جسمي صاير توب خلاصه القصه الي فوق
الوحده لما يكون عندها عزيمه واصرار تحاول تضغط ع نفسها حبتين وتنسى شي اسمه " فرابتشينو " و " سينابون "<~ فسي يطالع لخشتي القميله

][ The secret of life][

ومين مايعرفه " المآء " مايحتاج نتكلم فيه وكيف انه عامل قوي من العوامل الاساسيه لتصفيه البشرة برضوا للي حابه تنحف مثل ماقلت فوق والماء يعتبر النقطة الاساسيه عند اليابانيين الي حابين ينحفون بالاضافة الى انو الجو حااااااااار ولو تشربين جالون مويا ماينفع

انا اللحين مخليه المويا عندي مثل العصير كل مامريت من عند المطبخ اشرب قلآس مويا واخذ معاي اذا صرت جالسه قدام التلفزيون او ع النت بدل ماكون جالسه ومعاي علبه بوب كورن او كيستشبس خذي معاك كوب مويا منها تصفي بشرتك وتعطين جسمك كفايته وبما اننا نتكلم عن المويآ مآننسى " مويه الورد " [Flowerwater ]وكيف هي مهمه لجمآل البشره وصفاوتها من تصغير مسآمات البشره تفتيح لونها وبرضوا يزيل انتفاخات العين قد سمعت من البنات انهم يحطونها كمكعبات ثلج وقبل الميك آب يمررونهآ ع بشرتهم تشد البشرة وتخليها ورديه





][ The Care of your body ][

][ Feet ][

هذي من اكبر معاناتي والسبب انو لما اجي اذاكر ماحب اجلس تلآقوني احفر البيت والحوش حفر <~ يايين رايحين ..رايحين يايين..!رجولي صايره مررررررره تعبانه احس مهما اسوي لها مايبغى لها تنظيف يبغى لها جلسه طبعا انا جلساتي 1×1 من اول جلسه رجولك تطلع كنهم قطن <~ انفع اسوي دعايه نجي لجلساتي راح اشرحها لكم ستيب باي ستيب

نحطهم بإناء فيه مويا وشامبو مليان رغوه <~ دلعي نفسك

تقريبا ربع ساعه الى ماتحسين انو رجولك صايرين رطبين نمسك الحجر ونفرك فيه وبعدين نغسلهم ونجففهم

بعدين نحط مقشر <~ احب استخدم مقشر المشمش وافرك فيه رجولي الحلوين وبعدين اتركهم ربع ساعه بالموياوماننسى نحط كريم انصحكم بعمو جليسوليد

حآولي ماتمشين ع الرخآم او السيرآميك من غير سليبرزنقص اظافرنا لآنو شي مقرف لما تكون اظافر الرجلين طويله ومو نظيفه وبعض البنات مايهتمون فيهم لاتنسون اننا بالصيف وراح نلبس صنآدل فشي طبيعي لازم نتهتم فيه وآحلى شي لما تجيك البيريود حطي مقوي علشان يقويهم ويمنعم تقصفهم

][ lips ][

الشفايف من علآمات جاذبيه المرأه لما نشوف وحده حآطه روج آحمر او قلوس تجذبك بس تصدقون اني ارحمهم ورب البيت لانو كل بنت تحط فيهم الآرواج بآختلآف الماركات وتلاقون الشفايف صامده وصابره بس الى متى ؟شي طبيعي راح تسود وتتشقق وانا سمعت انو لما تلونين شفايفك بكل وقت حتى بالبيت يسبب ارهاق وتجاعيد حول منطقه الشفايف ومن ومشاكلتها الاساسيه " التشقق" يطلع منظرهم مرررة بادمن المفترض شنطة أي بنت ماتخلوا من مرطب وانا ارشح لكم وبقوة مرطبات The body shop مرة جنآن وخصوصآ الي بالجح والكرزوبرضوا قبل ماتنامين لاتنسين "مسحه خفيفه برأس اصبعك من الفازلين " بتلآقينهم شي ثاني ومن واقع تجربه برضوا يذكرون العسل يطري انسجه الشفايف ويبعد عنها التجاعيد <~ صرت استاذة احياء ][ My face ][

هذي مايبغى لها كلآم الفيس بعد الاختبارات يصير شي ثاني مره وحده من صاحباتي جت لبيتنا تبغى تاخذ بعض الاورآق وكآن عندي مآث <~ يمه البيج لست تطالع لي تقول جد اشكالنا تكسر الخاطر لو تشوفنا الدكتورة مايردنا الآ الـ a+طبعآ الوجيه صفرا وتعبانه والسواد تحت العيون تصدقون فترة الاختبارات من الخربطه في النوم ماصرت احط كريمآت ولآ اسوي ماسكات حلفت اولمآخلص اختبارات اسنع نفسي شوي وارجع الحسنآء كمآ كآنت <~ فيلم كرتون رآح اتكلم عن نفسي انا انسانه ماتحب المواد الكيمائيه والخلطات والاشياء هذي لآنو بشرتي ع طول تتحسس وتطلع حبوب وبلآوي

مافيه شي احلى من الطبيعه كمآ قالت الآنسه عفوآ المدآم هيفاء بنت وهبي " ع الطبيعه كل شي احلى "

طبعآ بعض الغسولآت والاسكنولآت مالنا غنى عنهانجي لآول شي صابونه الوجه آحب استخدم صابونه ديتول احس تنظف وتعقم وخصوصآ بعد مآمسح الميك آب

واحب استخدم غسول نيتروجينا " DEEP AND CLEAN "يخلي البشرة نآعمـــه ..وحبيب الملآيين " اسكآنول " جربت البابايا من مدح البنات له بس بشرتي تتحسس منه اذا حطيت يقرصني

فاستبدلته باسكنول الخيار مرررررة يجنن وينظف يعني يطلع لك بلآوي متلتله حطي القطنه وافركي رقبتك وفيسك بتشوفين عجب عجآب هذا وانتي كل يوم تنظيفن بشرتك بس ولو يبغى لك كل يوم بيوم تهتمين ..بالليل قبل مآنوم لآزم آحط " كريم الليل من آولاي "

مرة يجنن وهذي الشركه احبها احسها طبيعيه ومعظم خبيرات التجميل والدكتورات ينصحون فيهآ وماقد سمعت احد يذمهابرضوا احب استخدم مٌقشر المشمش كل خبيرات التجميل والصالونات تلآقينه عندهم المآسكات مثل ماقلت احب احط اشياء طبيعيه ومافيه احلى من "الزبادي والخيار " <~ لايروح بالكم للسلطه





][ The Body ][

وصلنا للنقطه المهمه البودي كلنآ لآزم نركز ع نظافه اجسامنا وخصوصآ بفصل الصيف راح يبان المستخبي لآزم كل اسبوعين ثلاثه " نشيل الشعر " لآننا بالصيف واكيد الملآبس تخليك مضطره تشيلين البعض يستخدم الحلاوة والبعض موس والبعض شرايح فيت و اله برآون تقريبآ استخدمتهم كلهم ومثل ماقلت لكم جلدي حساس ومن أي شي يطلع فيهاأشياء دوائر ومربعات زرقاء وحمراء وخضراء <~ حصة فنيه اختصار كلآمي انو الوحده ماتنسى شعر يدينها ورجولها لآزم تشيلهم وبما اننا بالصيف مآننسى الديودرنت

مثل ماللفيس النصيب الاكبر ماراح نهمل اجسامنا الحلوة لآزم نرطبهاوانا انصحكم بفازلين الي بزبده الكاكاو مررررة جنان ريحته رهيبه بالاضافة الى ترطيبه الرهيب



][ My hair ][

نجي اللحين للشوشه اقصد الشعر وهو تاج جمال الفتاه <~ لآيكثر

طبعآ الشعر بكل الفصول تلآقينه تعبان من السيشوآر و بما اننا بموسم مناسبات رآح تشوفين التسريحات والسبريهات راح يخترب الشعر ويطيح وطبعا يبغى له عنايه علشان مايطيح تصدقون اول كان شعري كثير لدرجة انو البنسات والمشابك مايمسكونه من كثره لكن آبن آدم طمآع رحت ادخل هالموآقع واجمع خلطات والضحيه شوشتي القميله والله يابنات ان الكوآفير حقتي جلست تهاوشني تقول لوين راحوا شعراتك ؟ حرام عليك ماضل عندك شعر ... انا شوي وابكي وجيت بكحلها اعميتها سويت لي غرهوطيح شعري من قدآم بعدها حلفت ماحط شي بشعري ماغير " الحنه "

عاد الحنه شي ثاني تعطي الشعر لمعه ونعومه وتطول وتكثق يكفيك بس الرسول صلى الله عليه وسلم كان يستخدمهاوتعطيك لون مميز والله اذا وقفتي بالشمس الكل يطالع للون شعركNote : قد قالت لي وحده خبيره انو الشامبو الي احنا نستخدمه مثل دوف وهيربل وصن سيلك مرررررة قويه ع الشعر واحنا طريقة استعمالنا لهم غلط الوحده تحط الشامبو ع الفروه مباشر .. لا ياعسوله انتي وياها المفروض تحطين الشامبو بنفس الشعر وانتي تصعدين الرغوه بيدك لاعلى الشعر بحيث ماتجي للفروة لآنو تركيب الشامبو الكميائي مرة قوي

قبل مآختم موضوعي بما اننا بالعطله وراح يبتدي مشوار السهر الى الصبح ياليت لو نستغل هالعطله بشي يفيدنآ بالاخره قبل الدنياحابه اذكركم بفضل قيام الليل لو كنتي جالسه ع النت بالليل او قدام T.Vاتركيه من يدك وقومي توضي وصلي لك كم ركعه وارفعي يدك للعزيز الحكيم صدقيني ماراح يردك الله خايبه عزيزتي تذكري ان لك رب يقول " وقال ربكم ادعوني استجب لكم "بدل جلستنا بالثلث الاخير ع الاغاني والفيديوكليبز سكريهم وتذكري ان الله تعالى نزل بالسماء الدنيا ومن المخجل والمخزي اننا نسمع اغاني وربنا فوقنا ..

برضوا القرآن ماراح يضرك شي لو تقرين كل يوم وجه بعد صلاة الفجرلاتنسون قول الله عز وجل "وقرآن الفجر إن قرآن الفجر كان مشهوداً" صدقيني راح يجي رمضان الله يشرفه وانتي ع وشك تختمين كتاب الله واي فضل لما تختمين القرآن برمضان؟::

آتمنى تعجبكم سطوري